ДОАЃА ПОЕВТИН ГАС: Украина двојно ги намали транспортните такси
Објавено во: Свет 01 Јануари, 2019
Националната комисија на Украина, која ја регулира сферата на енергетиката и комуналните услуги, ги намали давачките за транспорт на природен гас по транспортниот систем на земјата од денес, 1 јануари, објави Оксана Кривенко, претседател на регулаторното тело, јавуваат агенциите.
- Влегуваме во новата 2019 година со европски конкурентни такси за услугите на транспортот на гас од и до основните и излезните точки. Тие се намалени двојно- напиша таа на Фејсбук.
Според зборовите на Кривенко новите такси се компонента од крајната цена на гасот за корисниците.
- Всушност цената на увозот на сино гориво на пазарот на големо се намалува за 6 долари- тврди таа, цитирана од агенцијата БТА.
Кривенко изјави дека како резултат на усвоената одлука украинскиот систем за транспорт на гас „ја утврдува својата конкурентноста како апсолутна и пониска економска алтернатива на Северен поток и други гасоводи“.
Според податоците обезбедени на сајтот на компанијата „Укртрансгаз“, кон крајот на минатата година цената на влезната точка на украинската гасотранспортен систем била 12,47 долари за илјада кубни метри, а на излезната точка се движела од 16,74 до 32,80 долари илјади кубни метри.