07 Март, 2021
0.0205

Доцнењето на законските измени го враќа проблемот со злоупотреба на екстра лесното гориво

Објавено во: Економија 25 Јануари, 2021

Повеќегодишниот проблем со злоупотреба на екстра лесното гориво, од што губи и буџетот и животната средина, повторно се враќа откако Владата и Собранието не ги донесоа потребните законски измени, а во меѓувреме истече рокот на важност на уредбата за изедначување на акцизата, како мерка за сузбивање на нелегалниот пазар со ова гориво. 

Со Уредбата за дополнување на Законот за акцизи, од април 2020 година, во пресметката на акцизата за Екстра лесното гориво се додаде и дополнителна акциза за гасното масло како погонско гориво, како и можност за враќање на дел од платената акциза за обележаното гасно масло наменето за греење или употребено во процес на производство. Со тоа се доби механизам за заштита од злоупотреби на ова гориво по примерот на европските земји, каде неговата цена на бензинските станици е иста со цената на дизелот, но потоа се враќа дел од акцизата за корисните кои ќе поднесат барање во кое ќе ја докажат неговата употреба за греење или во производство.

Мерката дала ефект и потрошувачката на Екстра лесно гориво во вториот дел на годината, според анализите на Регулаторната комисија за енергетика, е намалена меѓу 35 и 40 проценти, вели во изјава за телевизија Телма, претседателот на РКЕ Марко Бислимовски.

- Тоа упатува дека на овој начин се зголемени приливите во буџетот и се спречени малверзации, односно наместо екстра лесно се точело тоа што треба, односно дизел и на тој начин се дал и значителен придонес и кон заштита на животната средина, изјави Бислимовски.

Додека од пониската акциза на Екстра лесното гориво што се троши како дизел за транспорт државата губи повеќе од 11 денари по литар, при согорувањето екстра лесното загадува 100 пати повеќе од дизелот, бидејќи содржи 100 пати повеќе сулфур на еден литар гориво.

Статистиката покажува дека годишно во нашата држава се трошат 50 милиони литри ЕЛ-1, додека за да се задоволат годишните потреби на домаќинствата потребни се не повеќе од 5 милиони литри.

Иако за кратко, проблемот со злоупотребите на екстра лесното гориво се надмина со Уредбата со законска сила, поради доцнењето на законското решение кое остана заглавено во Собранието, пратениците и Владата свесно или несвесно, повторно го враќаат во игра нелегалниот пазар со ова гориво. 


Можеби ќе ве интересира

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби

Граѓани, компании и институции во осигурување вложиле 163,7 милиони евра

Граѓани, компании и институции во осигурување вложиле 163,7 милиони евра

Угостителите ги налутија музичарите: Зошто пејачите да не пеат со визири

Угостителите ги налутија музичарите: Зошто пејачите да не пеат со визири

Биткоинот „шпанско“ село за инвеститорите: Не знаат што е „блокчеин“, ниту „копање“ а купуваат криптовалути

Биткоинот „шпанско“ село за инвеститорите: Не знаат што е „блокчеин“, ниту „копање“ а купуваат криптовалути

Турци за 6,5 милиони евра ја купија фабриката за кабли во Неготино од банка и се пред добивање на субвенции

Турци за 6,5 милиони евра ја купија фабриката за кабли во Неготино од банка и се пред добивање на субвенции

Кој во „корона“ со речиси преполовена продажба направи профит од 8,3 милиони евра?

Кој во „корона“ со речиси преполовена продажба направи профит од 8,3 милиони евра?