Добивај вести на Viber
Шведската компанија Икеа и српските власти договорија каде ќе се градат новите објекти на познатиот синџир продавници за мебел.Новата Икеа ќе биде изградена во Бежанијска коса, на местото на магацините на трговската куќа Белград.
Иако преговорите кои траат вкупно три години сеуште се во тек, преддоговорот со ТК „Белград“ е потпишан, посочија оптонските власти.
И портпаролката на Икеа, Милена Вујичиќ потврди дека се преговара за земјиштето на авто-патот Белград-Загреб, напуштената зграда на трговската куќа Белград ќе биде срушена и на плац од 27 хектари ќе никне Икеа.
Според најавите ИКЕА планира да инвестира во Србија, 250 милиони евра во отворање и развој на пет стоковни куќи каде што ќе вработи повеќе од 2.000 луѓе од Србија. Според првичнииот план, ИКЕА прво ќе изгради продавница во Белград, а потоа во Нови Сад, Ниш, уште една во Белград, а планира и петтата локација во јужна Србија.
„Зборуваме за долгорочни инвестиции во следните неколку години, а темпото на изградба на продавници во овој момент не може да го предвидиме, бидејќи тоа ќе зависи од развојот на пазарот, куповната моќ на населението и целокупната економска ситуација”, објаснуваат од Икеа.