ДОЈДОВМЕ ЛИ ДО ПИКОТ: Досега дијагностицирани 1.999 пациенти, или близу 2.000
Објавено во: Македонија 25 Мај, 2020
На Институтот за јавно здравје денеска се регистрирани 17 оздравени пациенти, 21 новозаболени и ниту еден починат од Ковид-19, соопшти Министерството за здравство. Оздравени се 7 пациенти во Скопје, по два во Куманово, Прилеп и Велес и по еден пациент во Гостивар, Крива Паланка, Пехчево и во Берово. Во последните 24 часа направени се 258 тестирања.
По градови, ова се новите случаи: Скопје - 12, Куманово - 3, Штип - 1, Тетово - 5.
Вкупната бројка на ковид- дијагностицирани во нашата земја од почетокот на епидемијата изнесува 1.999 од кои оздравени се 1.439 пациенти, починале 113, а во моментов бројот на активни случаи во земјата изнесува 447. Досега во земјата се направени вкупно 25.528 тестирања.
На стартот на кризата министерот за здравство Венко Филипче велеше дека пикот ќе изнесува околу 2.000 пациенти, но се очекуваше тој да биде достигнат на крајот на април и почетокот на мај.