21 Септември, 2019
0.0176

Долговите стасуваат за наплата: За три години треба да вратиме 2,3 милијарди евра

Објавено во: Финансии 29 Мај, 2019

Владата ќе треба да врати дури 2,3 милијарди евра на име главница на позајмените пари во периодот од оваа до 2022 година. Станува збор за отплати на старите долгови со кои се финансираше буџетскиот дефицит во претходните години. Сега тие стасуваат за наплата - па дел од нив ќе се покриваат и со нови позајмувања. Во новата фискална стратегија која Владата ја усвои на последната седница а која е за следната и двете години после тоа, пишува сепак дека државата ќе се обиде да го контролира јавниот долг. Имено и покрај предвидените стапки кои ќе имаат растечки тренд се тврди дека ќе се стабилизира и буџетскиот минус, но и долгот на државата кон странство.

Според проекциите, кои ги пишува во Стратегијата, надолната патека на државниот долг, и умерениот раст на гарантираниот долг заради инфраструктурните проекти и потоа неговиот пад, ќе резултираат со умерено зголемување на вкупниот јавен долг.

„Јавниот долг ќе биде 51,7 отсто од БДП во 2019 година и 52,3 проценти од БДП во 2020 година, и потоа ќе се намали на 50,8 проценти од БДП во 2021 година и дополнително на 49,1 отсто од БДП во 2022 година. Ова е значително под утврдениот лимит за нивото на јавниот долг од 60% од БДП, односно јавниот долг во наредниот период нема да ја загрози оддржливоста на фискалната политика, пишува во стратегијата.

Инаку Министерството за финансии планира да воведе лимити на буџетските расходи во следните години за да го стесни буџетскиот дефицит во следниот период.

„Со цел зајакнување на фискалната дисциплина, среднорочната фискална стратегија воведува лимити на буџетските расходи, и тоа вкупни лимити, и лимити по буџетски корисници. Во таа насока, годишната стапка на раст на вкупните расходи на Буџетот на Република Северна Македонија постепено ќе забавува од 14,2 отсто во 2019 година на 5,2 проценти во 2022 година. Во комбинација со очекуваната наплата на приходите, ова ќе обезбеди постепено стеснување на вкупниот буџетски дефицит од 2,5 проценти од БДП во 2019 година на 2,3 отсто во 2020 година и по 2 проценти од БДП во 2021 и 2022 година, стои во фискалната стратегија.

А.Т.

Можеби ќе ве интересира

Потпишан договор со ЕБОР од 13 милиони евра за изградба на електронски систем на наплата долж Коридор VIII

Потпишан договор со ЕБОР од 13 милиони евра за изградба на електронски систем на наплата долж Коридор VIII

Виктор Димовски прв владин директор со коефициент 4 и со поголема основна плата од Рашковски, Лукаревска, Китанов....

Виктор Димовски прв владин директор со коефициент 4 и со поголема основна плата од Рашковски, Лукаревска, Китанов....

Како од една билка овој Србин направил бизнис вреден злато

Како од една билка овој Србин направил бизнис вреден злато

Како е да се живее во Норвешка: Плата од 2.500 евра, но државата веднаш зема 35 проценти

Како е да се живее во Норвешка: Плата од 2.500 евра, но државата веднаш зема 35 проценти

ЌЕ ДОБИЕТЕ 25 000 ЕВРА ДА СЕ ПРЕСЕЛИТЕ ОВДЕ: Понудата е од соништата, а регионот прекрасен

ЌЕ ДОБИЕТЕ 25 000 ЕВРА ДА СЕ ПРЕСЕЛИТЕ ОВДЕ: Понудата е од соништата, а регионот прекрасен

Како бугарски стартап ја доби првата венчр капитал обврзница од 18 милиони евра?

Како бугарски стартап ја доби првата венчр капитал обврзница од 18 милиони евра?

ВРАБОТУВААТ И ПЕНЗИОНЕРИ: Им нудат работно време од четири часа

ВРАБОТУВААТ И ПЕНЗИОНЕРИ: Им нудат работно време од четири часа