Донесена одлуката за можен терористички акт на Чавков и пратениците
Објавено во: Македонија 22 Јуни, 2018
Кривичен суд денеска треба да соопшти, дали на петмината пратеници и поранешниот министер за внатрешни Митко Чавков ќе им се суди за терористичко загрозување на уставниот поредок и безбедноста за настаните од 27 април.
Претседателот на Кривичниот суд Иван Џолев вчера потврди дека одлуката е донесена, но нема да се објавува додека не биде испратена до странките.
Тричлениот совет вчера заседавал зад затворени врати три месеци откако беше поднесено обвинението.
Сп него се опфатени 30 лица, од кои 28 се обвинети за терористичко загрозување на уставниот поредок и безбедноста на РМ, а две лица за помагање при извршување на истото кривично дело
Според Обвинителството, обезбедени се докази дека обвинетите извршувале повеќе усогласени дејства за насилство, влегување и вршење насилство во Собранието, од различни позиции и во содејство и координација да се оневозможи понатамошно функционирање на парламентарното мнозинство и на Собранието на РМ.
Но, засега не е посочено кој е нарачателот на насилствата што се случија на крвавиот четврток, кога според Обвинителството имало и обид за убиство на Заев.
Обвинителството паралелно води истрага, кој го направил клучниот повик од Виена, по кој толпата упадна во Собранието за време на изборот на Талат Џафери за претседател.