ДОСИЕ ВЛАДИМИР ПАНЧЕВСКИ: Лани го разрешија, а денес доби 30 дена притвор
Објавено во: Македонија 10 Јули, 2020
ОДРЕДЕН МУ Е ПРИТВОР НА ВЛАДИМИР ПАНЧЕВСКИ
Велешкиот суд денеска му одреди 30 дена притвор на поранешниот претседател на Кривичниот суд, Владимир Панчевски.
Тој не се појавил на денешното рочиште, а не бил присутен ниту неговиот бранител.
Информација ја објави „Коалицијата Сите за правично судење“, од каде појаснуваат дека притворот е одреден поради обезбедување на присуство на судењето за предметот „АКМИС“.
Скопското обвинителство пред една година поднесе обвинителен предлог против Панчевски за злоупотреба на службената положба во врска со системот за управување со судските предмети во Кривичниот суд.
Судењето за овој предмет требаше да почна наесен, но досега овој судски процес не е започнат со главна расправа.
ЛАНИ БЕШЕ РАЗРЕШЕНСудскиот совет во декември 2019 година, едногласно го разреши поранешниот претседател на Кривичниот суд во Скопје, Владимир Панчевски.
Неговото разрешување е извршено врз основа на докажана одговорност за злоупотреба на системот АКМИС додека тој го водел Кривичниот суд.
Поранешниот шеф на Кривичен има право на жалба до Врховниот суд.
ВО 2017 ГОДИНА ОСУДЕН ЗА МОБИНГПанчевски во 2017 година беше осуден за мобинг. Граѓанскиот суд донесе одлука дека се потврдува тужбата против Панчевски, поднесена од Горан Стаменковски, поранешен раководител на Одделот за човечки ресурси во овој суд. Спорот по приватна тужба од Стаменковски против Панчевски се води од јануари годинава.
Стаменковски го тужеше Панчевски дека неосновано го разрешил од раководната функција, дисциплински го казнил и го преместил во судот за прекршоци. Навел повеќе причини за мобинг врз него, кои на судењето ги поткрепуваше со изјави од вработени од Кривичниот суд.
ЧИТАЈТЕ УШТЕ„Сиромавиот милионер“ меѓу судиите: Кој е Владимир Панчевски?