ДРАГАН НАКОВ И ФИЛИП МИШЕВСКИ ГО ПРЕЗЕМААТ УПРАВУВАЊЕТО И РАКОВОДЕЊЕТО СО „ХОТЕЛИ МЕТРОПОЛ“ - еве ги нивните нови позиции
Објавено во: Економија 06 Јуни, 2023
Драган Наков, син на Штерјо Наков, заедно со Филип Мишевски, го преземаат управувањето и раководењето со „Хотели Метропол“ Охрид.
Имено, Драган Наков ќе биде претседател на Одборот на директори на „Хотели Метропол“, компанија каде што „Фершпед“ поседува 73,5 отсто од капиталот, а самиот Драган Наков има во своја сопственост 665 акции на акционерското друштво од Охрид.
Додека, пак, Филип Мишевски ја презема позицијата генерален директор на компанијата.
„Согласно Глава 6 од Правилата за котација, известуваме за следниве измени во органите на управување:
Хотели Метропол АД Охрид известува дека од новоизбраните членови на органот на управување за Претседател на Одборот на директори е именуван Драган Наков, а за Извршен член - Генерален директор Филип Мишевски. Од членовите на Одборот на директори Драган Наков поседува 665 обични акции во друштвото“, се вели во објавата од „Хотели метропол“ до инвеститорската јавност, испратено преку Македонската берза.
Како што веќе пишуваше Фактор, лани најголема хотелиерска компанија на охридското крајбрежје беше најголемата хотелиерска компанија „Хотели Метропол“ со вкупен приход од 2,8 милиони евра и добивка од 90.000 евра.Н.Н.Ф.