Драма на Србин од Израел: Мојата ќерка Миа е мобилизирана за копнената инвазија на Газа

Добивај вести на Viber

Деновиве светот е потресен од веста за жестоките судири меѓу израелските сили и организацијата „Хамас“, кои не стивнуваат. Еден твит на таа социјална мрежа особено ги трогна граѓаните на Србија, а тоа е трогателен пост во кој татко од Србија кој живее таму ја испраќа својата ќерка Миа на војна во Појасот Газа.

Овој, најсериозен конфликт од 2019 година, започна оваа недела, откако палестинските верници и израелската полиција се судрија во близина на џамијата Ал Акса во Ерусалим. Немирите во Ерусалим прераснаа во сериозен конфликт, а резултатот беа ракетни напади на израелските сили врз Газа и „Хамас“ врз израелските градови, особено Тел Авив. Поголемиот дел од населението беше мобилизиран, и бидејќи и мажите и жените се предмет на воена служба во оваа земја, и оваа девојка одговори на повикот, пишува Блиц.

Нејзиниот татко Горан, кој таму живее со своето семејство веќе дваесет години и тоа веднаш до границата со Појасот Газа, во објавата вели

- Ви благодарам многу за зборовите за поддршка. Тоа значи многу во овие моменти. Се извинувам само ако не можам да одговорам на секого. Се обидувам барем да ги следам вашите пораки. Миа беше придружувана до касарната и распоредена во гарнизон што припаѓаше на Појасот Газа, напиша тој.