ДРАМА ВО БЕЈРУТ - демонстранти упаднаа во МНР, убиен полицаец

Добивај вести на Viber

Еден либански полицаец е убиен во денешните судири со демонстрантите во Бејрут. 

Ова го потврди портпаролот на либанското Министерство за внатрешни работи.

Ова е резултат на жестокит судири помеѓу тамошната полиција и граѓаните кои се бесни поради катастрофалната експозија која се случи во вторникот и во која загинаа најмалку 158 лица.

На антивладините протести излегоа над седум илјади луѓе, кои бараат оставка од владата. Корумпираните политички фигури за нив се виновни за експлозијата на амониум нитратот на пристаништето. Симболично, поставија и бесилка на главниот плоштад. Се обидоа да стигнат до парламентот, а беа спречени од фрлениот солзавец од полицијата.

Но успеаја да влезат во министерството за надворешни, каде палеа документи, и сликата од либанскиот претседател. повикаа да се окупираат и другите министерства.

Улиците наликуваат на воено поле – запалени автомобили и камиони, раскрвавени демонстранти гневни фрлаат со камења и стапови кон полицијата. Се слушаат и истрели од огнено оружје, а медиумите јавуваат за загинат полицаец. Црвениот Крст транспортирал 55 луѓе во блиските болници, а на лице место помош им пружиле на 117 демонстранти.