Државен завод за статистика: Собранието ќе ги одредува прашањата за пописот
Објавено во: Македонија 11 Февруари, 2019
Македонското Собрание ќе одреди со кои прашања ќе се спроведува националниот попис следната година со донесување на посебно законско решение за 2020, информираат од Државниот завод за статистика.
Од таму велат дека не се тие кои определуваат дали прашање за етничката припадност ќе стои во посебна графа. Ова следува откако директорот на Државниот завод за статистика Апостол Симовски, во интервју за Алсат, изјави дека пописот на населението предвиден за 2020 година ќе помине без политички влијанија. Тој наведе дека ова е една од причините зошто не е потребна табела за етничката припадност на граѓаните во пописот. .
„Во овие дебати Заводот, како професионална и стручна институција од областа на статистиката и единствено надлежна за спроведување на Попис на населението, ги даде своите предлози меѓу кои и предлогот пописниот образец да не го содржи прашањето за етничка припадност. Овој предлог е вклучен и во Предлог-законот за Попис кој беше ставен на јавна расправа, а и доставен до сите релевантни институции за забелешки и сугестии, наведуваат од Државниот завод за статистика“, се вели во соопштението на ДЗС.
Инаку Симовски тврдеше дека измените на Законот за статистика биле предлог на Заводот за статистика, односно дека од таму го побарале тоа.