ДУИ прва потврди дека ќе води партиска кампања
Објавено во: Македонија 12 Август, 2018
ДУИ е првата политичка партија која најави дека ќе плати од „свој џеб“ за да води одделна кампања за излезност на референдумот на 30 септември, на кој граѓаните треба да го искажат своето мислење за тоа дали прифаќаат преим во ЕУ и НАТО преку договорот со Атина од Преспа.
- Централниот партиски штаб е во фаза на подготовка, а ќе има и помали партиски штабови на локално ниво. Целиот партиски потенцијал е ангажиран. Граѓаните сакаат членство во НАТО и ЕУ и еконосмки развој - изјави лидерот на ДУИ, Али Ахмети.
Вицепремиерот на Владата на РМ и главен преговарач со ЕУ, Бујар Османи, кој доаѓа од владиниот коалиционен партнер ДУИ, потврди дека има сознанија дека се формира Штаб во Владата, но и засебни штабови во засегнатите партии за референдумот.
- Населението го нема прочитано договорот. Треба да бидат само правилно информирани, а не агресивно да бидат убедувани. Ова е судбоносен момент за граѓаните и тие треба да бидат добро информирани пред да донесат одлука - рече Османи.