ДУИ: Реакцијата на ВРЕДИ пишувана од ВМРО-ДПМНЕ

Добивај вести на Viber

ДУИ излезе со соопштение во кое смета дека денешната реакцијата на коалицијата ВРЕДИ за временото стопирање на алатката „Балансер“ за правична застапеност на заедниците ја имаат напишано ВМРО-ДПМНЕ.

„Неколку албански политички субјекти, кои влегоа во владата преку поддршката од македонските партии, издадоа неосновано соопштение против ДУИ и нашиот лидер, Али Ахмети. Најзагрижувачки е грешката на крајот од оваа изјава, каде што е оставена реченицата „преведете го на албански“, што открива дека овие соопштенија се напишани од нивните македонски патрони, ВМРО-ДПМНЕ, а потоа им се предадени на нив, велат од ДУИ во соопштение за јавноста.

„Овој факт јасно покажува дека овие субјекти не ги претставуваат интересите на албанската заедница, туку се алатки во служба на туѓи интереси. Со овој срамен чин, тие јасно покажаа дека немаат политичка независност и дека се користат за да ги нападнат интересите на Албанците и да го оцрнат угледот на ОНА и ДУИ“, реагираат од ДУИ.

Од ВРЕДИ експресно излегоа со одговор дека станува збор за преработка на соопштенија на кои им е потребно лекторско приспособување.

„Ова не е периодот 2006-2017 кога ДУИ им робуваше на Груевски и Мијалков. Длабок очај е кога една партија која била власт 22 години ќе падне на дереџе да користи ваква аргументација за политички напад. Но, нема да оставиме простор нивните медиумски мегафони да трубат глупости.
Имено, со оглед на фактот дека комуницираме и со македонски медиуми, нормално е во Центарот за комуникации на ВЛЕН да имаме ангажирано лектори за уредување на нашите текстови. Во случај кога лингвистички се коригира еден текст, може да се јави потреба да се прави и во двете верзии.
Ако “крунски” доказ на ова криминализирано раководство на ДУИ е реченицата “преведи на албански” на крајот на македонската верзија на денешното соопштение, тогаш може слободно од политичка партија, да ги нарекуваме политички циркус.
Крајно време е Али Ахмети да се освести и да разбере дека во опозиција не го пратија македонските партии туку мнозинството Албански народ кој на изборите му рече - доста беа лаги, манипулации и безочно фамилијарно богатење!“, демантираат од ВРЕДИ.