Дванаесет лекари и медицински сестри на АРМ од денеска распоредени во тријажниот центар на Интерните клиники
Објавено во: Македонија 30 Ноември, 2020
Медицински
персонал од Воено медицинскиот центар, составен од дванаесет лекари и дваесет
медицински сестри од денеска се вклучува во работа на интерните клиники каде
има неколку ковид оддели, информира Министерството за здравство.
Оттаму посочуваат дека оваа бројка на медицински персонал е голема поддршка земајќи предвид дека сите специјалисти од интерната медицина и инфектолози од почетокот на кризата се посветени на ковид пациенти.
Медицинските екипи кои доаѓаат од Армијата на почетокот ќе бидат распоредени во тријажниот центар на Интерно, каде ќе вршат прием на пацинети во ковид одделенијата. По прогласување на кризната состојба, освен со медицински персонал, Армијата како невооружена сила е поддршка на полицијата во ковид центрите низ државата. Во петокот. Министерството за одбрана му предаде 10. 000 брзи тестови на Министерството за здравство, донација од Кралството Норвешка, а на почетокот од месецот Армијата даде на користење и 5 амбулантни возила како поддршка при справување со последиците од пандемијата на Корона вирусот.