Двајца екс министри „заработија“ кривични пријави
Објавено во: Македонија 10 Декември, 2018
Финансиската полиција поднесе кривични пријави против поранешните министри, Никола Тодоров и Панче Кралев.
Управата за финансиска полиција до Основното јавно обвинителство поднесе кривична пријава против Никола Тодоров – поранешен министер за образование и наука и Панче Кралев, исто така поранешен министер за образование и наука и две други лица од тоа министерство, поради основано сомнение за сторено кривично дело злоупотреба на службена положба и овластување при јавната набавка на договорот за градење за реконструкција и адаптација на поранешниот Дом на АРМ во Охрид за потребите на Факултетот за информатички технологии.
Управата за финансиска полиција во соопштението наведува дека тие со неизвршувањето на нивната службена положба го оштетите буџетот на Министерството за повеќе од 4,7 милиони денари.