Двајца лекари во МАЛМЕД пријавиле дека нивни пациенти починале по вакцинацијата против ковид, се истражуваат причините
Објавено во: Македонија 06 Декември, 2021
Двајца лекари во Агенцијата за лекови и медицински средства, МАЛМЕД, пријавиле сомнеж дека нивни пациенти починале после вакцинација против ковид во земјава.
Ова го потврди раководителката во МАЛМЕД, Меријем Хаџихамза на брифинг со новинарите.
Инаку, и двете пријави се доставени во различен временски период. За првиот пациент на 53-годишна возраст пријавата била доставена во април, а за вториот, кој бил на возраст од 85 години, на 30 септември.
Таа додаде дека за едниот од пациентите кои починале, го видела медицинското досие и станувало збор за човек со многу коморбидитети. Едната пријава дошла од лекар во Гевгелија, а за втората, Хаџихамза немаше информација од каде е.