28 Март, 2020
0.0375

ДВЕТЕ ДАМИ ВО ФИНАНСИИ ПАК НА ЖЕШКА ЛИНИЈА - колку вработувања има пред изборите

Објавено во: Финансии 18 Февруари, 2020

Повторно врие во Министерството за финансии. Дополнителната заменичка министерка Гордана Димитриеска-Кочоска барала одговори, но како што вели, не добила од министерката Нина Ангеловска, за тоа колку пари за вработувања се дадени од државата, и колку се издадени согласности за ангажирање. Таа тврди дека ова има врска со изборите, но министерката сметала дека нема поврзаност.

„Денеска до мене од страна на „транспарентната“ министерка Нина Ангеловска, беше доставен одговор на нашето барање за доставување на копии од известувањата за обезбедени финансиски средства за вработување и согласности за ангажирање, кои првенствено ние ги бараме како такви, со оглед дека министерството наводно немало евиденција за својата работа во однос на овие предмети, а со цел ние да направиме евиденција и за истото да ја известиме јавноста и македонските граѓани.

Со овој одговор, министерката известува дека немала законска обврска за доставување на истите, а повикувајќи се Одлуките на судот, според кои немало обврска за врзан потпис, кои напоменувам не се конечни, па оттука „транспарентната“ министерка влече заклучок дека бараните податоци не се правни, финансиски и кадровски прашања поврзани со организација на изборите. Замислете!“, пишува Кочоска во своето соопштение.

Зошто се кријат овие податоци, прашува таа. „Зар на граѓаните им е потребно право децидно и експлицитно утврдено, за министерката да им удоволи со податоци на кој начин се трошат нивните пари? Почитувана „транспарентна“ министерке, повторно ве повикувам, ако сметате дека не треба мене (иако имате законска обврска), удоволете им на граѓаните и одговорете колку известувања за обезбедени средства за вработувања имате издадено во периодот од дознавање за одржување на предвремени парламентарни избори до денес, и тоа колку на неопределено време, колку на определено време, колку за вработувања преку Агенциите за привремени вработувања, колку согласности имате издадено за ангажирања на лица со договор за дело и со авторски договори и како сте ценеле за нивната реална потреба и колку тоа ја чини државата“, вели дополнителната заменичка.

А министерката Ангеловска, пак, во повеќе наврати кажува дека Министерството за финансии е една од најтранспарентните институции. Според неа, граѓаните се уморни од дневнополитички препирки.

„Сметам дека граѓаните се малку уморни од овие дневно политички обвинувања и обиди за наслови во медиуми наместо да се работи. Не е проблем, ние ги одговараме барањата, немаме што да криеме, сѐ што работи Министерството за финансии е најтранспарентно, не знам дали била работата потранспарентна. Замислете целата таа енергија која се троши на дневно политички меѓупартиски препирки, препукувања и обвинувања се насочи кон барање на решенија, солуции, конструктивна дебата, замислете како може да се движи нашата земја и да се менува нашиот ментален склоп. Јас би повикала на тоа - со позитивна енергија со желба за работа да се обидеме да ја насочиме енергијата онаму каде што е потребно за доброто на нашата земја и за доброто на граѓаните“, рече Ангеловска.

Можеби ќе ве интересира

Народна банка: Не шпекулирајте со денарот, ќе се одрази негативно на економијата

Народна банка: Не шпекулирајте со денарот, ќе се одрази негативно на економијата

Македонска берза и КХВ: Тоа што ќе нема акционерски собранија ќе влијае на пазарот

Македонска берза и КХВ: Тоа што ќе нема акционерски собранија ќе влијае на пазарот

РАФАЈЛОВСКИ ЗА ФАКТОР: Требаат минимум две милијарди евра за да излеземе од кризата

РАФАЈЛОВСКИ ЗА ФАКТОР: Требаат минимум две милијарди евра за да излеземе од кризата

АКО ДОСЕГА СИ ДОЛЖЕА, СЕГА УШТЕ ПОВЕЌЕ - фирмите не плаќаат, а сакаат да им се плати

АКО ДОСЕГА СИ ДОЛЖЕА, СЕГА УШТЕ ПОВЕЌЕ - фирмите не плаќаат, а сакаат да им се плати

ШТЕДНИТЕ ВЛОГОВИ ВО БАНКИТЕ СЕ СИГУРНИ - но внимавајте на кешот, опасен е, велат од НБМ

ШТЕДНИТЕ ВЛОГОВИ ВО БАНКИТЕ СЕ СИГУРНИ - но внимавајте на кешот, опасен е, велат од НБМ

НЛБ БАНКА ПРВА ЈА ПОСЛУША НБМ - нема дивиденди, парите одат во нераспоредена добивка и заработувачка за инвестиции

НЛБ БАНКА ПРВА ЈА ПОСЛУША НБМ - нема дивиденди, парите одат во нераспоредена добивка и заработувачка за инвестиции

БАНКИТЕ НА ПОТЕГ - ОДЛОЖУВАЊЕ, ПРОЛОНГИРАЊЕ НА ИСПЛАТАТА И ПОНИСКА КАМАТА - тие ќе понудат, клиентите да кажат дали прифаќаат

БАНКИТЕ НА ПОТЕГ - ОДЛОЖУВАЊЕ, ПРОЛОНГИРАЊЕ НА ИСПЛАТАТА И ПОНИСКА КАМАТА - тие ќе понудат, клиентите да кажат дали прифаќаат

БАНКАРИТЕ НЕ СЕ ПРЕЦИЗНИ ДАЛИ ЌЕ СЕ ОТКАЖАТ ОД ДИВИДЕНДИТЕ - велат, секогаш се грижиме за стабилноста

БАНКАРИТЕ НЕ СЕ ПРЕЦИЗНИ ДАЛИ ЌЕ СЕ ОТКАЖАТ ОД ДИВИДЕНДИТЕ - велат, секогаш се грижиме за стабилноста

ПРВА АКЦИОНЕРСКА ЖРТВА НА КОРОНАКРИЗАТА - се преполови дивидендата на „Тетекс“

ПРВА АКЦИОНЕРСКА ЖРТВА НА КОРОНАКРИЗАТА - се преполови дивидендата на „Тетекс“