Двоцифрен раст: Колку пари им должиме на банките за потрошувачки и за станбени кредити
Објавено во: Економија 21 Мај, 2018
За дури 15,4 отсто се зголемиле станбените кредити за една година. Народната банка ги објави најновите податоци за кредитната задолженост на граѓаните кои се однесуваат на месец април. Заклучно со тој месец граѓаните должат за станбени кредити 672 милиони евра. Растот кај станбените кредити е најголем меѓу сите други кредити кои банките им ги одобруваат на граѓаните. За 11 отсто на годишно ниво, пак пораснале потрошувачките кредити, додека пад е регистриран само кај кредитните картички. По основ на потрошувачки кредити граѓаните на банките во април годинава им должат дури 1,2 милијарди евра.
„Анализирано според намената на кредитите одобрени на физичките лица, во април кај најзастапената категорија ‒ потрошувачките и станбените кредити, има месечн раст. Автомобилските кредити забележаа месечно намалување од 0,7 проценти а годишниот раст е 0,6 отсто, додека кредитите одобрени на кредитни картички остварија минимално зголемување од 0,1 процент во услови на годишен пад од 1 отсто. Овој месец, кај негативните салда на тековните сметки е евидентирана нагорна месечна и годишна промена, велат од Народната банка.
Инаку во април годинава вкупните кредити на банките изнесуваат 4,8 милијарди евра и се за 5,8 проценти повисоки од истиот месец лани.
А.Т.
Можеби ќе ве интересира
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
Економската зона Ченгду-Чонгкинг е еден од главните мотори на идниот економски раст на Кина
САКАТЕ УСПЕХ ВО КАРИЕРАТА: Вмрежувајте се и ширете ги контактите
ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти
СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека
„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија
ДОПРВА ЌЕ ГО БАРААТ И ЌЕ ПОСКАПУВА: Бакарот урива рекорди
