Џафери: Не плашете се ... Иванов може пак да го одбие Заев
Објавено во: Македонија 12 Мај, 2017 08:36
Новиот собраниски претседател Талат Џафери не ја исклучи можноста претседателот Иванов повторно да одбие да му го додели мандатот за состав на влада на Зоран Заев.
Џафери, меѓутоа, тврди дека таквата одлука не би претставувала пречка парламентарното мнозинство да ја продолжи седницата за избор на влада.
Сепак, предупредува, за парламентарната пракса не би било добро шефот на државата да не ги исполни своите обврски, бидејќи тоа би имало одредени последици за парламентот во иднина.
Во интервју за Анадолија, Џафери вели дека ставот на ВМРО ДПМНЕ, партијата која изборот на новиот претседател го смета за нелегитимен, за него е политички акт.
Додава дека тоа што нејзините пратеници учествуваат во работата на собранието значи дека индиректно го признаваат статусот на новиот претседател.
Џафери повтори дека седницата на Собранието ќе ја води на албански јазик, што, како што наведува, не го загрозува суверенитетот на Македонија.
Очекува за тоа прашање да има расправа, но тврди дека во зависност од ситуацијата ќе се служи и со македонски и со албански јазик.
„Во таа смисла верувам дека ќе има разбирање меѓу колегите, без разлика на можни реакции. Верувам дека во суштина тоа не оди на штета на Македонија, и на ниту еден начин не загрозува ниту суверенитет и интегритет, бидејќи се работи за права на граѓаните на Македонија предвидени со меѓународни конвенции“, истакна новиот собраниски претседавач.
Од прогласувањето на независноста на Македонија Џафери е прв Албанец кој ќе ја извршува таа функција претседател на парламент. Истакнува дека неговиот избор за претседател на највисокото законодавно тело е политичка корист во контекст на перцепцијата на колективен статус на Албанците во земјава.
Можеби ќе ве интересира
ЦИПРАС ПРИЗНАВА – „АКО НЕ ПОБРЗАВМЕ ЌЕ БЕВМЕ ПОД ПРИТИСОК ДА ГО ПРИФАТИМЕ УСТАВНОТО ИМЕ“: По седум години од Преспанскиот договор
МИЦКОСКИ СООПШТИ КОГА ЌЕ ПОЧНЕ ИЗГРАДБАТА НА БРЗАТА ПРУГА: „Ќе значи многу во историска и транспортна смисла“
„ПРИСТИГНУВААТ РАЗНИ ПОРАКИ ОД СОФИЈА, СТАРИТЕ РЕКЛЕ ПОМАЛКУ СЛУШАЈ, ПОВЕЌЕ ГЛЕДАЈ ШТО РАБОТАТ“: Мицкоски вели Бугарија може да ги повлече амандманите во ЕП
Петар Ристески Пеката: Потпишав пристапница, но не станав член на СДСМ
„ЈА ПОВИКУВАМ СИЛЈАНОВСКА ДА СТАВИ ПРСТ НА ЧЕЛО“: „Нека гукнат!“, вели Ванковска
Бидете крајно внимателни, доаѓаат невреме, громови и појава на град!
„ЕДЕН ОД ПОГОЛЕМИТЕ ПОГРОМИ НА ОВАА НАПАТЕНА ДРЖАВА И НАРОД!“ Дуковски за седумгодишнината од Преспанскиот договор
НИКОЛОСКИ ВЕЛИ ДЕКА МИЈАЛКОВ Е ИСКЛУЧЕН ОД ПАРТИЈАТА, ИМ ДАДЕ СОВЕТ НА СДСМ ИСТОТО ДА ГО НАПРАВАТ СО ТИЕ ШТО СЕ СЛИКААТ ВО ДУБАИ СО ЗЛАТНИ ВИЗИ: Еве што тој открива тој
