Џафери со коментар за Богоевски: Собранието нема основа да постапува
Објавено во: Македонија 16 Мај, 2019
Со коментар за последните случувања со пратеникот Павле Богоевски се јави и собранискиот претседател Талат Џафери кој вели дека Законодавниот дом нема основда постапува за Богоевски.
Џафери образложувајќи кажа дека нема уставна ниту деловничка основа да покрене постапка во случајот со пратеникот Павле Богоевски и очекува ефикасно постапување на надлежните институции за целосно расчистување на случајот.
„Претседателот на Собранието на Република Северна Македонија, секогаш кога според Уставот и Деловникот на Сoбранието е должен да постапува, презема конкретни иницијативи и мерки кои се во согласност со неговата надлежност. Во овој момент нема основ за каква било постапка. Претседателот на Собрането очекува дека надлежните институции ќе постапуваат ефикасно и целосно ќе го расчистат случајот“, стои во ставот соопштен од кабинетот на Џафери.
Владата пак одговорите поврзани со прашања за Богоевски упати да се бараат на адреса во Собранието, бидејќи Павле е дел од таа институција.