Џамбаски ги навреди Македонците во Пиринска Македонија, за него биле пијани дегенерици
Објавено во: Македонија 17 Септември, 2021
Бугарскиот европратеник Ангел Џамбаски ги навреди Македонците во Пиринска Македонија.
Ги нарече пијани дегенерици и дека од десет луѓе имаат 5 заби.
„На актуелниот попис тие ќе направат сè што е можно за да ги дотуркаат Бугарите во Република Македонија до некоја бројка, блиска или еднаква со вкупно земено таа групичка на неколкумина преостанати испијанети дегенерици во Пиринска Македонија, преобратени од бившите југословенски служби, кои се самоопределуваат различно од бугарскиот начин и вкупно од 10 човека имаат 5 заби. Така што, тоа им е целта и тоа им е задачата. И тука ние треба да сме многу цврсти во тој правец. Направивме една кампања за обид за притисок во Европскиот парламент и во Европската унија, да видиме каде и како ќе се одрази таа“, изјави Џамбаски.
Македонците од Бугарија во повеќе наврати кажаа дека на пописот кај источниот сосед нема графа Македонци, а од друга страна бугарските политичари постојано споменуваат граѓани со бугарска самосвест во Македонија, односно се калкулира со бројката на Македонци кои од економски причини земале бугарски пасоши.