23 Мај, 2019
0.0232

Џинот се разбуди! Што и направи „Макпетрол“ на својата конкуренција?

Објавено во: Економија 15 Март, 2019

Вложувањата во акцијата на „Макпетрол“ добија реална основа. Компанијата има извонреден раст на приходот од продажба и речиси тројно повисока добивка од 2017 година. Секоја акција на „Макпетрол“ носи профит од 125 евра, колкава ќе биде дивидендата?

„Макпетрол“ ги израдува своите акционери! Најголемата компанија за малопродажба на нафтени деривати лани оствари вкупна сеопфатна добивка од 14 милиони евра што е три пати поголема од профитот остварен во 2017 година. Нето добивката на компанијата лани е 12,6 милиони евра и е два и пол пати поголема од добивката остварена во 2017 година. Секоја акција на „Макпетрол“ носи добивка од 125 евра. Сега веќе на реална основа се зголемуваат апетитите на акционерите за поголема добивка од тоа што беше распределено лани како добивка од работењето во 2017 година.

Компанијата лани оствари приходи од продажба во износ од 351,75 милиони евра. Тоа е раст на приходите од продажба за 17 отсто во споредба со 2017 година што е извонредна стапка на раст на приходи. Кажано во пари ова значи дека приходот од продажба на „Макпетрол“ е зголемен за 50 милиони евра лани во споредба со 2017 година.На домашниот пазар „Макпетрол“ лани остварил продажба вредна 334,2 милиони евра и таа книжи раст од 45,6 милиони евра во однос на 2017 година. Пробив има и на странските пазари. „Макпетрол“ извезол стоки и услуги во вредност од 17,6 милиони евра што е за 4,4 милиони евра во споредба со претходната година.

Оперативната добивка на компанијата изнесува 13,5 милиони евра и е за два и пол пати поголема од лани. Оперативните расходи се 340,9 милиони евра и се 14 отсто поголеми од претходната година односно 42,6 милиони евра. Нето позитивната разлика меѓу растовите на приходите од продажба и оперативните расходи е 7,4 милиони евра. Ова е резултат на ефикасна алокација на ресурсите и добро планирање.

Од билансот на успех е видливо дека „Макпетрол“ солидно ги менаџира финансиските приходи и финансиските расходи. Од билансот на состојба се гледа дека компанијата на крај на 2018 година има пониско ниво на обврски во однос на 2017 година и тоа за 5 отсто и нивниот износ е 66,6 милиони евра. Од друга страна нивото на краткорочни кредити е 42,7 милиони евра и тие се зголемени за 1.8 милиони евра во однос на претходната година.

Лани „Макпетрол“ за дивиденда на своите акционери исплатил 2,53 милиони евра, а за откуп на сопствени акции платил 3,15 милиони евра.


Р. Ф.

Можеби ќе ве интересира

УШТЕ ЕДНА СТРАНСКА ИНВЕСТИЦИЈА: Анѓушев очекува со новите работни места да се намали емиграцијата

УШТЕ ЕДНА СТРАНСКА ИНВЕСТИЦИЈА: Анѓушев очекува со новите работни места да се намали емиграцијата

И не е сѐ така црно

И не е сѐ така црно

Тевдовски вработува нов советник за плата од 35.679 денари

Тевдовски вработува нов советник за плата од 35.679 денари

Ребрендирањето на Вип во А1 ќе донесе многу изненадувања за корисниците

Ребрендирањето на Вип во А1 ќе донесе многу изненадувања за корисниците

Кој прави милиони евра промет од ајвар и туршија?

Кој прави милиони евра промет од ајвар и туршија?

ДРАСТИЧЕН ПАД НА ЦЕНИТЕ: За колку ќе се намалат роаминг услугите во Западен Балкан

ДРАСТИЧЕН ПАД НА ЦЕНИТЕ: За колку ќе се намалат роаминг услугите во Западен Балкан

Се книжат милиони: Колкав профит направи лани најголемата странска компанија во Кочани

Се книжат милиони: Колкав профит направи лани најголемата странска компанија во Кочани

Кина повеќе не е број еден по фалсификувани производи во Македонија: Која земја и го одзеде приматот?

Кина повеќе не е број еден по фалсификувани производи во Македонија: Која земја и го одзеде приматот?

ШТО СЕ ПРОМЕНИ: САД повторно купува нафта од Венецуела

ШТО СЕ ПРОМЕНИ: САД повторно купува нафта од Венецуела