Еден град ќе се подели на три помали
Објавено во: Стил 30 Април, 2018
Австралискиот град Сиднеј со најмногу жители најави дека во следните 20 години ќе се подели на три дела, односно на три градови.
Овој план е наречен „Метропола на три градови“ и е објавен од страна на владината агенција задолжена за користење на земјиштето.
Со поделба на три градови Сиднеј ќе се обиде да ги реши проблемите, како што се големиот прилив на население, исклучително високата цена на домување и сѐ поголемиот застојот на сообраќајот. Градските власти очекуваат подобар пристап на жителите до своите домови, бизниси и услуги, пренесува Klix.
„Ние сакаме жителите на Сиднеј да имаат квалитетен живот“ – вели портпаролот на комисијата, во изјава за Си-Ен-Ен.
Градот ќе биде поделен на Источен пристаништен, Централен речен и Западен парковски град.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
МЛАДИТЕ БРИТАНЦИ НЕ ГО САКААТ КРАЛСКОТО СЕМЕЈСТВО: Само еден член стои полошо од Хари и Меган
