ЕДЕН ИНФИЦИРАН СО ДЕЛТА СОЈ, ЗАРАЗУВА УШТЕ СЕДУМ ДРУГИ: Во четвртиот бран и младите може да завршат на респиратор, предупредуваат екпертите

Добивај вести на Viber

Четвртиот бран на корона вирусот и се повеќе доминантниот сој-делта се заканува да ги погоди најсилно младите во Србија, бидејќи само 17,5 проценти од населението на возраст од 18 до 30 години е вакцинирано. Лекарите предупредуваат дека Делта и кај младите луѓе прави разорни дејства на белите дробови, бубрезите, мозокот, крвните садови....пишува српски Блиц.

Директорот на Здравствениот дом Палилула, Александар Стојановиќ, за „Блиц“ открива зошто новиот вид на корона е поопасен.

-Делта сојот е до 70 пати повеќе вирулентен од претходните соеви, што значи дека се шири побрзо, особено кај оние кои не биле вакцинирани, а тоа се претежно млади. Тие исто така можат да добијат посериозни симптоми, што значи хоспитализација, да мора да бидат ставени на респиратор, за жал може да завршат и фатално, односно со смрт. Исто така, симптомите на постковид синдромот се крајно несигурни. Може да доведат до брзо заморување и да имаат негативно влијание врз одредени органи и имунитетот - нагласува Стојановиќ.

Д-р Оливера Остојиќ, пулмолог во Клиничкиот Центар-Белград посочува дека делта варијантата во Србија е 50 пати позаразна од оригиналниот „Вухан„ сој.

-Споредбата помеѓу првиот и последниот сој најдобро покажува колку побрзо ќе се шири вирусот за време на четвртиот бран. Едно заразено лице со „вухан“ варијантата заразува уште две, додека во случај на делта сојот, тој број е од пет до седум други лица,предупредува пулмологот Остојиќ