23 Јули, 2019
0.0196

Едиција КАЛЕИДОСКОП – потребното освежување на македонската издавачка сцена

Објавено во: Мои пари 19 Јуни, 2019

„Калеидоскоп“ е името на новата едиција книги што Издавачката куќа ПАБЛИШЕР неодамна ја промовираше пред нашата читателска публика. Едицијата е големо освежување на македонската издавачка сцена. Се состои од преводи на 10 романи од автори кои досега не биле претставени во Македонија, а кои уживаат голема популарност кај публиката и критиката низ Европа и пошироко. Целта на проектот е да се зголемат изборот и циркулацијата на квалитетна литература за читатели од различни возрасни групи преку претставување на некои од најдобрите наслови објавени во Европа во последниве години, со посебен акцент на литературата за деца и млади.

„Калеидоскоп“ нуди избор од 10 современи дела од реномирани и наградувани автори,  насочени претежно кон младата читателска публика. „Книга за гробиштата“ од Нил Гејман, „Воздух“ од Миријам Дубини, „Како во филм“ од Винко Модерндорфер, „Сошиено срце“ од Карол Мартинез, „Дарла – 172 часа на Месечината“ од Јухан Харстад и дури три романи добитници на Европската наградата за литература: „Некогаш сигурно сум одела по мека трева“ од Каролина Шути, „Езеро“ од Бјанка Белова и „Срце на ветрот“ од Донал Рајан.  Сите десет книги носат исклучително висок литературен квалитет и ги отсликуваат карактерот и целите на едицијата – да ги задоволи различните тематски и стилски очекувања низ различни жанровски изрази: фантазија, мистерија, романса, реализам, историја.

Еден од поводите за покренување на оваа едиција е недостигот од квалитетни книжевни дела во превод на македонски јазик, пред сè за млади. „Младите читатели сè поретко се одлучуваат да го посветат своето слободно време на книгата, а тоа е нешто на кое ние издавачите, но и државата, треба континуирано да работиме“, велат од издавачката куќа ПАБЛИШЕР. Меѓу книгите во оваа едицијата голем дел доаѓаат од книжевно „егзотични“ земји од Европа – Норвешка, Исланд, Данска,Ирска, но раскажуваат приказни чии пораки носат универзални вредности и допираат до секој читател.  Со ваквиот избор, проектот во целост ќе придонесе за развивање на порафиниран книжевен вкус, ќе го поттикне интересот на младата публика и ќе создаде нови лојални читатели.

Едицијата „Калеидоскоп“ се издвојува и со иновативниот пристап во промовирање на делата, но и со дополнителните активности насочени кон подигање на читателската свест кај младите. ПАБЛИШЕР неодамна го основа и првиот Клуб на млади читатели, кој ќе биде место за дискусии, размена на мислења и поттикнување на креативноста кај децата преку читање; понатаму, организира гостувања на странските автори и нивна директна комуникација со публиката на промоциите; иницира соработка со едукативни центри, а планира и организирање на Денови на книгата, што ќе претставува и заокружување на едицијата, која секако ќе добие и свое продолжение.

Едицијата „Калеидоскоп“ на Издавачката куќа Паблишер е проект поддржан од Програмата „Креативна Европа“ на Европската Унија.


Можеби ќе ве интересира

Volvo Cars не повлекува автомобили од пазарот!

Volvo Cars не повлекува автомобили од пазарот!

Сообраќајка затвори регионален пат

Сообраќајка затвори регионален пат

Само во ИутеКредит, пари достапни веднаш 24/7!

Само во ИутеКредит, пари достапни веднаш 24/7!

Најбараните боенки ова лето: Бојте и учете стихови за зеленчукот и овошјето

Најбараните боенки ова лето: Бојте и учете стихови за зеленчукот и овошјето

Квиз: Твојот карактер ја открива твојата идеална дестинација

Квиз: Твојот карактер ја открива твојата идеална дестинација

Нова сервисна кампања „Повеќе грижи за вас“ на Huawei во Северна Македонија

Нова сервисна кампања „Повеќе грижи за вас“ на Huawei во Северна Македонија

Македонец постави рекорд за прв пат во историјата на ридско брзинските трки на Водно

Македонец постави рекорд за прв пат во историјата на ридско брзинските трки на Водно

Дефектот на ул. Палмиро Тољати е саниран

Дефектот на ул. Палмиро Тољати е саниран

Неколку улици во Ченто без вода за пиење

Неколку улици во Ченто без вода за пиење