Единствените безбедни места во случај на нуклеарна војна

Добивај вести на Viber

Доколку недај боже, дојде до нуклеарна војна, која со оглед на боевите глави кои ги поседуваат Американците и Русите, би можела да го загрози опстанокот на човечкиот вид на Земјата, докторите Беки Алексис и Том Дејвис анализирале и пронашле три најбезбедни локации доколку дојде до таков судир.

Тие сметаат дека моментално живееме во најмирниот период на светската историја, кога и покрај судирите на Блискиот исток и некои други делови од светот, се водат помалку војни, кои се значајно помалку смртоносни од оние во 20 век.

Меѓутоа, поради успешниот нуклеарен експеримент на Северна Кореја, „новата Студена војна“ на Русија и САД, потоа и секогаш нетрпеливите односи меѓу Пакистан и Индија, се водат приказни за веројатноста на избивање нуклеарна војна.

Оваа тема секогаш била омилена меѓу медиумите „желни“ за сензација, а на тежина добива и поради размислувањата на пензионираниот шеф на Пентагон Вилијам Пери, кој смета дека нуклеарната војна денес е поизвесна отколку во текот на 70 и 80 тите години на минатиот век.

Не е на одмет ни да потсетиме дека нуклеарното оружје од времето кога Американците фрлаа бомби на Хирошима и Нгасаки, пред се служело како оружје за закана, кое всушност никој не сака да го активира, а тоа е и разбирливо бидејќи Русија и Америка имаат доволно боеви глави да го загрозат опстанокот на човечкиот вид на нашата планета.

Меѓутоа, ако дојде до такво сценарио, каде да се бега?

Дејвис и Алексис ги лоцирале најбезбедните места во предвид земајќи ги моменталните залихи на нуклеарните боеви глави во државите кои ги поседуваат (САД, Кина, Русија, Обединетото Кралство, Франција, Индија, Пакистан, Израел и Северна Кореја), потоа и веројатноста на судири со други нации како и долгорочна временска прогноза.

Како најбезбедно место на светот се покажал Антарктикот, ледениот континент кој воедно е и место на првиот договор за употребата на нуклеарното оружје, со кој во 1959 година е одлучено таму да се спроведуваат мирољубиви истражувања.

Втората опција е Велигденскиот Остров, оддалечен 3 500 километри од бреговите на Јужна Америка.

Третата опција се Маршалските острови, дел од Микронезија, регион во западниот Пацифик.

Иронично, САД во текот на 40 и 50-тите години на минатиот век токму на широко подрачје на овие острови тестирале 67 нуклеарни боеви бомби, поради што американската Комисија за атомска енергија во 1956 год. ги прогласила за „место кое е далеку најзагадено со радијација“.