Една држава ќе ја напушти еврозоната?
Објавено во: Економија 22 Мај, 2018
Лидерот на британските конзервативци Вилијам Хејг вели дека еврото е како зграда без излез, а искуството на Италија во изминативе 20 години и го покажува тоа.
Италија се приклучи на евро-семејството кон крајот на 90-тите и беше една од првите потписнички кои сакаа да бидат во првиот бран на монетарната унија.
Меѓутоа, никогаш не дојде до реално согледување на фактите, дали земја како Италија всушност би можела да се носи со ригорозното членство во една монетарна унија.
Кога сфатија дека Италија не може да исполни одредени критериуми, правилата се заобиколуваа, а резултатот не беше сјаен – изгубија две децении во кои животниот стандард стагнира.
Со доаѓањето на новиот премиер на коалиционата влада се отвораат многу прашања за останувањето на Италија во еврозоната.
Колку долго ќе трае владата, дали Италија ќе остане во еврозоната, како ќе реагираат финансиските берзи. Ова се само дел од прашањата што се поставуваат откако коалиционата влада после 10 дена преговори на претседателот на Италија му го претстави Џузепе Конте како заеднички кандидат за премиер на коалицијата.