Една одлука на Кина му зададе удар и го турна на дно биткоинот
Објавено во: Економија 12 Јануари, 2017
Цените на биткоинот паднале повеќе од 30 отсто за два дена, откако Централната банка на Кина покрена проверка на бизнисите на своите најголеми платформи за тргување.
Вредноста на биткоинот моментално е околу 760 долари, што е пад за околу 18 отсто во однос на завчера.
Како што е соопштено на сајтот на кинеската централна банка, проверката на бизнис работењето на најголемите платформи, вклучувајќи ги и “BTC China”, “Huobi” и “OKCoin”, е покренато како би се спречиле пазарни манипулации, перење пари и неовластено финансирање.
Истовремено, кинеските монетарни власти нагласија дека биткоинот е стока, а не валута, предупредувајќи на ризик на тргување со криптовалута.
На крајот на 2016 биткоинот достигна вредност од околу 1.130$, воглавно поттикнат од силната побарувачка во Кина, која ја сочинува најголемиот дел од глобалната трговија со виртуелната валута. Растот на вредноста на биткоинот е поврзан со падот на вредноста на јуанот од 7% на годишно ниво, што е најлош впечаток на кинеската валута во 20 години.