Eдна престолнина си го смени името

Добивај вести на Viber

Главниот град на Казахстан, Астана си го смени името и ќе се вика Нурсултан.

Пратениците ги изгласаа амандманите на Уставот на земјата со што престолнината Астана се преименува во Нурсултан. Оваа одлука се носи во чест на првиот претседател, Нурсултан Назербаев.

Преименувањето на главниот град е на предлог на новиот претседател Хашим-Жомрат Токаев во чест на Назербаев, кој беше на власт 3 децении, уште од времето на Советскиот сојуз, а вчера поднесе оставка.

Астана на казахстански јазик означува „главен град“ и го носи тоа име од 1998 година, веднаш откако Владата се префрли таму од Алмати, најголемиот град и трговски центар во земјата. Градот Астана бил основан во 1824 година под името Ал Мола, а од 1830 година Акмола.

Казахстан е најголемата држава во светот без излез на море, а деветта најголема држава во светот по површина со своите 2,724,900 километри квадратни.

Нурсултан Назарбаев кој денеска си поднесе неочекувана оставка, го водеше Казахстан цели три децении, а се наметна како автократ кој на обвинувањата за деспотизам се правдаше со фактот дека ја води најнапредната економија во централна Азија.

Дарига Назарбаева, најстарата ќерка на поранешниот казахстански претседател Нурсултан Назарбаев, е избрана за претседател на Горниот дом на казахстанскиот Парламент, Сенатот.

55-годишната Назарбаева денеска едногласно беше избрана од страна на членовите на Сенатот, еден ден откако нејзиниот татко ја објави својата оставка по речиси 30 години на функција.

фото Википедија