Едно село помалку имаат секој месец
Објавено во: Балкан 07 Март, 2019
Во соседна Бугарија секој месец исчезнува по едно село.
Според бугарската потпретседателка Илијана Јотова, во земјата во која во рамките на ЕУ се бележи највисоката стапка на морталитет, секој месец од картата исчезнува по едно село.
Многу млади луѓе ја напуштиле својата татковина поради подобри услови за живеење и прибежиште нашле во некоја од другите земји членки на ЕУ.
Доколку во Бугарија и натаму продолжи лошата економска ситуација, а следствено на тоа и миграцијата на населението, се претпоставува дека бројот на жители во оваа земја би можел да се намали на 5,2 милиони до 2050 година.
Бугарија, која важи за најсиромашна земја во Европската Унија, по падот на комунистичкиот режим во 1989 година, имала околу 9 милиони жители, а 28 години подоцна има околу седум милиони. Според експертите, главна причина за тоа е падот на наталитетот и економската миграција.
Според податоците на Заводот за статистика на Бугарија, земјата во периодот од 1989 до 2017 година изгубила речиси два милиона жители.
Како што е соопштено, лани во Бугарија се родени 60.000 бебиња, а починале 110.000 луѓе, пренесува агенцијата „Анадолија“.