ЕДНО ВРЕМЕ НАДМИНА 60.000 ДОЛАРИ, СЕГА Е МНОГУ ПОД 40.000 - до кога ќе тоне биткоинот
Објавено во: Финансии 23 Мај, 2021
Најпопуларната криптовалута, кон која во последно време се обраќаат дури и најголемите скептици, започна драстично да паѓа. Потсетуваме, во средината на март, биткоинот ја надмина вредноста на 60.000 долари, а сега вреди „само“ околу 36.500 долари.
Ова е, всушност, доказ за тоа колку т.н. ризични средства можат да бидат несигурни, односно тие ја оправдуваат таа титула. Но, тоа е суштината: да беа посигурни, нивната вредност немаше да варира и да расте толку многу. Оние кои одамна го препознаа потенцијалот на биткоин, сега етереум и други криптовалути – сега се во добивка, но малкумина знаат што носи иднината.
Тековната загуба, сепак, не значи дека биткоинот нема да се опорави.
„Можеби е подобро да се гледа на него како култ со бесконечни шанси за преживување“, рече познатиот нобеловец за економија Пол Кругман, кој повеќе не верува дека крипто-валутите ќе исчезнат.