Компаниите од земјава пред Полската бизнис заедница
Објавено во: Економија 18 Јуни, 2019
Македонските
компании ќе може да се претстават пред бизнис заедницата во Полска. На 4 јули
на Самитот на Западен Балкан во Познањ, за прв пат во исто време ќе се
оддржи и Бизнис форум со 16 земји, соопштија на денешната прес конференција во
Стопанската комора на Македонија претставници од Полската агенција за
инвестиции и трговија.
Форумот под мотото „Растеме заедно“ е одлична можност за компаниите од Западен Балкан, посебно за фирмите од Северна Макеоднија, истакна Кристоф Прзилуцки, шефот на канцеларијата на Полската агенција за инвестиции и трговија на Софија.
„Ги покануваме сите компании од Северна Македонија да земат учество на овој Бизнис Форум. Оваа ќе биде одлична можност за фирмите да се сретнат со бинис заедницата на Полска. Учеството на форумот е бесплатно, слободно ќе може да се претставите со вашите материјали или видеа“, потенцираше Прзилуцки.
Според Камил Хишка, координаторот на Бизнис форумот, овој настан е прв чекор за соработка помеѓу Полска и Македонија.
„На 4 Јули Познањ ќе биде центар на економскиот живот од Европската унија и Западен Балкан. Темите на кои ќе се разговара се разделени во три сектори: Дигитализација и ИТ, земјоделство и прехрамбена индустрија и енергија “, истакна Хишка.
Претставниците од Полската агенција за инвестиции и трговија велат дека на овој Бизнис форум очекуваат голем дел од Македонските компании да земат учество и да се претстават пред Бизнис заедницата во Полска.