19 Февруари, 2019
0.6254
    ALK 8399.04    0.8%     GRNT 819.84    1.13%     KMB 5511.54    1.71%     MKSD 200    1.89%     MPOL 378.85    1.57%     MPT 51376.33    -0.05%     MTUR 5110.78    0.21%     OHB 6719.33    0.29%     RZUS 105    7.14%     SBT 2412.53    3.16%     STB 1252.62    0.27%     STIL 125.5    2.87%     TEL 314.49    1.23%     TKVS 5250    -0.09%     TNB 15495.99    1.28%     TTK 1380    0%     UNI 2239.38    0.87%     ZILU 251.3    2.15%

ИНТЕРВЈУ СО ЏОН БОЛТОН, ДИРЕКТОР НА „ЛИБЕРТИ СТИЛ“

ЕКСКЛУЗИВНО Болтон: Ќе го зголемиме производството на Арцелор Митал, за квотите да помогне и Владата

Објавено во: Економија 18 Јануари, 2019

Планираме да го зголемиме производството во Арцелор Митал за 30 проценти во следниот период, а компанијата во Скопје ќе ја промовираме во фабрика која ќе биде привлечна за млади и квалификувани кадри, вели во ексклузивно интервју за Фактор, Џон Болтон, главен извршен директор на лондонската компанија „Либерти стил“. Таа компанија минатата година даде понуда за купување на капацитетите на Арцелор Митал во Македонија, Чешка, Романија и Италија. Болтон вели дека очекува операцијата за превземање да финишира во првиот квартал годинава. Самиот има долго искуство во оваа индустрија, а трансакцијата се прави во време на комплицирани трговски врски во светот кога алуминиумот и челикот се во прашање. Вели дека македонската Влада треба да разговара со Европската Унија во однос на воведените квоти. За трансакцијата се чека одобрувањето од Европската Комисија.

Болтон: Процесот се одвива многу добро во моментов. Дадовме понуда, во последните два-три месеци ги посетувавме сите компании, разговаравме со менаџментот на овие компании, разговаравме со синдикатите и нивните претставници, вработените, акционерите и правевме дополнителни анализи за бизнисот. Официјално зборувавме и со Европската Комисија, тие треба да ја одобрат трансакцијата и очекуваме тој процес да заврши наскоро.

Кога најоптимистички го очекувате решението на ЕК и како практично дојде до тоа да ја купите оваа компанија, која е позадината?

Болтон: Очекувам трансакцијата да биде завршена во првиот квартал оваа година, но не можам да прецизирам точно. А како дојде до ова. Вие знаете Арцелор Митал имаше спојување со италијанската челичарница „Илва“ што доведе до истрага од ЕК поради концентрација и конкурентност. Арцелор Митал затоа требаше да најде купувач за капацитетите во Острава Чешка, Галац Романија, но и во Скопје, Италија, Белгија и Луксембург.


Да, ја купувате и компанијата овде во Скопје. Како гледате на оваа фабрика, кои се вашите планови?

Болтон: Имавме средби овде, ја разгледавме компанијата, разговаравме со менаџментот, со вработените, нашиот впечаток е позитивен. Ова е добро менаџирана компанија, има добра опрема, многу добро знаење за пазарот и за операциите. Затоа нашите очекувања, нашата цел како и секаде е да се позицинираме каде пазарот дозволува раст на бизнисот. Тие моментно оперираат со волумен од 190.000 тони, сакаме да го зголемиме тој волумен за 30 проценти. Нашата улога овде е да се поддржи тој раст исто така.

Колку е вредна транскацијата впрочем? Дали планирате нови инвестиции, нови вложувања, нови вработувања?

Болтон: Компанијата веќе има план за раст кој е солиден. Ние во првите 100 дена ќе анализираме па ќе видиме дали треба да се преиспита планот за инвестиции, но моментно не можеме да одиме во детали. Сакаме да порасне бизнисот, односно волуменот за 20 до 30 проценти, да се користат сите линии. Веруваме дека со време европскиот пазар може да биде снабдуван со производи од Македонија. Домашниот пазар расте и има дополнителна можност за раст. Тоа е позитивен чекор. Може да ја интегрираме компанијата овде со операциите во Источна Европа и тоа секако ќе има занчаен економски импакт за Македонија. Ако создадеме атрактивна компанија која расте, моите очекувања се дека ќе привлечеме луѓе да работат за нас.


Македонската економија е мала и отврена и често ранлива кога глобалните процеси се во прашање. Моментно државата е на еден крстопат пред ЕУ и НАТО интеграциите, но и во процес на значајно иселување на млади и квалификувани кадри. Колку интеграцијата ќе ја зголми конкурентноста и дали сметате дека ќе обездите квалитетен кадар?

Болтон: Да, Македонија е во еден интересен период, како што рековте на крстопат, но со потенцијал за позитивна иднина. Мислам дека, ние може да ги охрабриме вработените и тие кои поседуваат вештини да останат затоа што можеме да презентираме позитивна иднина за бизнисот. Ќе бидеме јасни, ќе работиме со менаџментот овде и со синдикатот да создадеме атрактивна иднина и да ги убедиме потенцијалните вработени дека има иднина за младите тука.

Глобално, трговската војна меѓу САД и Кина се рефлектираше и во Европската Унија. Квотите за извоз се однесуваат точно за алуминиум и челик. Зошто правите ваква операција во ваков период и како мислите дека тоа ќе се одрзаи на оваа компанија и на Македонија конкретно?

Болтон: Тоа е добро ама и комплексно прашање. Да, има предизвик во моментот. Европската Унија беше засегната од трговските мерки на САД и реагираше со слични контрамерки, пропорционално. Кога Македонија е во прашање, има квоти за ЕУ. Важно е македонската Влада да работи со фабриката овде, да се влијае во ЕУ и да се овозможи Макеоднија да тргува слободно и во фер услови. Треба да се земе в предвид и дека увезувате од ЕУ, произведувате овде и пак го продавате во ЕУ, значи тоа ќе има влијание и за ЕУ исто така. Тешка и комлицирана ситуација е секако, но мислам дека ако Владата работи заедно со компаниите и со ЕУ, решението ќе се најде.

Александра Томиќ


Можеби ќе ве интересира

Ќе ги позлати ли ЕЛЕМ машините за ископ во РЕК Битола?

Ќе ги позлати ли ЕЛЕМ машините за ископ во РЕК Битола?

„ПАДНА“ ДОГОВОР: Поевтин роаминг ќе имаме со Грција

„ПАДНА“ ДОГОВОР: Поевтин роаминг ќе имаме со Грција

За десет дена ќе се знае кој ќе биде универзален снабдувач на струја во Македонија

За десет дена ќе се знае кој ќе биде универзален снабдувач на струја во Македонија

КОКА КОЛА ДАДЕ 260 МИЛИОНИ ЕВРА ЗА „БАМБИ“: Сега го “мерка“ и „Књаз Милош“

КОКА КОЛА ДАДЕ 260 МИЛИОНИ ЕВРА ЗА „БАМБИ“: Сега го “мерка“ и „Књаз Милош“

Заев на средба со 40 бизнисмени

Заев на средба со 40 бизнисмени

Најсеверниот град во светот има најповолни станови, никој не ги сака: Исланд на раб на криза

Најсеверниот град во светот има најповолни станови, никој не ги сака: Исланд на раб на криза

УТРИНСКИ ФОКУС: Поскапе бензинот, ЕЛЕМ пиша-бриша тендери, нафтени резерви

УТРИНСКИ ФОКУС: Поскапе бензинот, ЕЛЕМ пиша-бриша тендери, нафтени резерви

Србија има уште за враќање долг на Косово

Србија има уште за враќање долг на Косово

Зошто ЕЛЕМ ги поништи досегашните тендери, и ќе го чека тој во април?

Зошто ЕЛЕМ ги поништи досегашните тендери, и ќе го чека тој во април?