ЕКСПЛОЗИЈА НА БОЈЛЕР ЈА РАЗНЕСЕ ХЕМИСКАТА ФАБРИКА ВО КОЧЕВЈЕ-СЛОВЕНИЈА: Има најмалку 20 повредени, активиран е план за масовни несреќи
Објавено во: Балкан 12 Мај, 2022
Најмалку 20 лица се повредени, од кои двајца потешко, во
силна експлозија што утрово одекна во хемиската фабрика Меламин во центарот на
Коцевје.
Полицијата го повика околното население да ги затвори прозорците и да не излегува надвор. Експлозијата била толку силна што ја почувствувале и жителите на околните згради.
Словенечките медиуми јавуваат дека сите екипи на Брзата помош се на терен, веднаш откако полицијата била известена за експлозијата во центарот на Кочевје во 8.35 часот. На лице место се интервентни служби кои спроведуваат итни мерки, а затворен е и главниот пат низ Кочевје, соопштија од Управата на полицијата во Љубљана, јавија словенечките медиуми. Според неофицијални информации на Радио Словенија, разнесен е бојлер. Дирекцијата за цивилна заштита и помош при катастрофи соопшти дека во несреќата се повредени над 20 луѓе, а едно се здобило со тешки изгореници.
Децата затворени во
училиштата
По експлозијата во хемиската фабрика, властите издале наредба децата во сите училишта да останат затворени во објектите, а вентилацијата била исклучена. Прво мислеле дека е земјотрес.
Градоначалникот на Кочевје Владимир Пребилич во кус разговор за Н1 вели дека се во вонредна ситуација. Затворен е главниот пат низ Кочевје, а полицијата апелира до населението да ги затвори прозорците и да не излегува надвор до дополнителни инструкции. Клиничкиот цетра- Љубљана активираше план за масовни несреќи.
Од Здравствениот дом Кочевје соопштија дека веднаш по експлозијата во хемиската фабрика „Меламин“, на терен се испратени сите расположливи екипи на брзата помош, а на местото на несреќата е испратен и хеликоптер.
Најмалку две тешко повредени лица ќе бидат префрлени во Универзитетскиот медицински центар Љубљана.
ФОТО: YouTube