Ел Салвадор го повлекува своето признавање на таканаречената “САДР”
Објавено во: Мои пари 18 Јуни, 2019
Владата на Ел Салвадор на 15 јуни објaви дека Ел Салвадор го повлекува своетo признавање на таканаречената “САДР“ и го поддржува територијалниот интегритет на Мароко.
Објавата беше направена за време на официјалната посета на Ел Салвадор од страна на Министерот за надворешни работи на Мароко, Насер Боурита.
“Владата на Ел Салвадор ја информира Владата на Кралството Мароко за својата одлука да го повлече признавањето на “САДР” и да прекине секаков контакт со нив”. Објавата дојде по заедничкото потпишување на изјавата од страна на Министерот за надворешни работи и меѓународна соработка на Мароко, Насер Боурита и неговиот колега од Ел Салвадор, Александра Хил Тиноко, во присуство на Претседателот на Ел Салвадор, Најиб Букеле.
“За оваа одлука ќе бидат известени Обединетите нации и релевантните регионални организации” – се вели во заедничката изјава.
Исто така, во заедничкото соопштение се нагласува и дека “Владата на Ел Салвадор го поддржува интегритетот на Кралството Мароко и неговиот национален суверенитет, како и Иницијативата за автономија, како единствено решение за ова регионално несогласување”.
Oдлуката доаѓа по помалку од две седмици откако претседателот на Ел Салвадор рече дека неговата земја била во процес на повторно разгледување на релациите со Полисарио и признавањето на таканаречената Сахрави Арапска Демократска Република.
Одлуката на Ел Салвадор е новa препрека за Полисарио, чиешто раководство веќе подолго време врши лобирање во земјите од Латинска и Централна Америка за поддршка на нивните намери да основаат независна држава во јужно Мароко.
Претседателот на Ел Салвадор, кој е многу активен на социјалните медиуми, објави дека е правилна одлуката на неговата земја да престане да признава земја која не постои.
“Од овој ден, Ел Салвадор ги прекинува дипломатските врски со Фронтот Полисарио и повеќе не ја признава Сахрави Арапската Демократска Република“, рече тој.
“Toa e правилната одлука за Ел Салвадор. Ние престануваме да признаваме земја којашто не постои со што ги зацврстуваме нашите врски со Кралството Мароко, и ги отвораме вратите на арапскиот свет”, додаде тој.
Извор:
- https://www.moroccoworldnews.com/2019/06/275934/el-salvador-recognition-sadr-polisario/amp/
- http://multimedia.presidencia.gob.sv/watch_video.php?v=B66HD23UDN5R