Електричните автомобили всушност повеќе загадуваат дури и од дизелашите?
Објавено во: Економија 20 Април, 2019
Германско истражување тврди дека всушност електричните автомобили на климата и помагаат само на хартија и дека тие се полоши за животната средина дури и од дизел возилата.
Кристоф Бушел, професор по физика од Келн, го состави извештајот со колегите Ханс-Дитер Карл и Ханс-Вернер Шин на IFO Институтот за економски истражувања.
Кога емисиите на јаглерод диоксид од производството на батерии и конвенционалните методи кои се користат за производство на електрична енергија во Германија се земени во предвид, електричниот автомобил ги оптоварува климатските 11 до 28 проценти повеќе од дизел автомобили, се вели во студијата.
Многу енергија се користи за обновување и обработка на литиум, кобалт и манган што се користат за автомобилски батерии.
Батеријата за Тесла Модел 3 ослободува 11-15 тони јаглероден диоксид, според студијата.
Со траење на батеријата од 10 години и капацитет што надминува 15.000 километри годишно, тоа би значело 73 до 98 грама на јаглерод диоксид по километар, според авторите.
Кога ќе се земе во предвид емисиите на јаглерод диоксид кои произлегуваат од електричната мрежа, во реалноста, Тесла емитира помеѓу 156 и 181 грама на јаглерод диоксид по километар, што е многу повеќе од дизел Мерцедес, според истражувањето.
Според нив, подобро е производитеите повеќе да се насочат на производство на мотори на погон на метан, поради емисиите на јаглерод диоксид кои се за една третина пониски од дизел агрегаторите.