ЕЛЕМ: Охридско езеро е блиску до максималната кота
Објавено во: Економија 08 Март, 2018
Од Електрани на Македонија соопштуваат дека нивото на Охридското езеро е блиску до максималната кота, па затоа се прават напори за зголемување на производството на електрична енергија за да се намали котатат.
„Според хидролошката информација издадена од управата за Хидро-метеоролошки работи, нивото на Охридското Езеро денеска изнесува 693.64 мнв (метри надморска височина), односно е на 11cm под максималната кота од 693.75 мнв.
Со водостопанска дозвола издадена од МЗЖСПП од 24.11.2017 за користење на водата на излез на реката Црн Дрим од Охридското езеро, пропишано е дека АД ЕЛЕМ за производство на електрична енергија може да ја користи водата помеѓу минималната и максималната кота на Охридското Езеро, од 693.10 до 693.75 мнв, освен во исклучителни случаи при појава на големи води, кога максималната кота може да биде 694 мнв.
Со оглед на тоа што 2018г. е година на големи води, АД ЕЛЕМ вложува максимални напори со зголемување на производство на електрична енергија да го забави растот на котата. Планот за максимално производство се реализира од пред два месеца, а ќе продолжи и во периодот од следните неколку месеци, додека котата не се стабилизира под номиналната максимална вредност од 693.75“, соопштуваат од ЕЛЕМ.