Емил Димитриев: Полската болница ја обезбедивме ние во 2012
Објавено во: Македонија 31 Март, 2020
Поранешниот технички премиер Емил Димитриев објави дека полската болница која со 130 легла ќе биде придружна на Клиниката за инфективни болести за справувањето со епидемијата од корона вирусот, а која беше поставена вчера, е обезбедена уште во 2012 како донација и вреди 2 милиони евра.
„Полската болница Roll 2, со ниво на опременост за хируршки интервенции, од утре во употреба за медицинска заштита на граѓаните на Македонија. Ја обезбедивме како донација во 2012 год. од Кралството Норвешка со вредност од 2 милиони евра. Дел од оние што денес се гордеат со неа, тогаш критикуваа дека за нашата земја финансиски е неодржлив овој ресурс. Добро е што ја имаме, што помалку да се користи“, објави Димитриев на Фејсбук.
Повеќе институции учествуваа во подигнување на мобилната болница која ќе има капацитет до 130 кревети. Болницата ќе биде функционална од текот на следата недела.