ЕРДОГАН СЕ ПОФАЛИ: Турција ја има најголемата болница во Европа
Објавено во: Балкан 16 Март, 2019
Во турската престолнина Анкара официјално e отворeнa најголемата градска болница во Европа, објавија локалните медиуми.
Во болницата има медицински центар и има капацитет да прима 30.000 пациенти дневно.
Објектот официјално беше отворен од турскиот претседател Реџеп Тајип Ердоган, кој истакна дека денес Турција располага со најсовремена медицинска опрема и има 5.000 амбулантни возила, медицински хеликоптери, чамци и бродови.
„Турција денес е земја која има капацитет од 1 250 000 граѓани да добиваат здравствени услуги во своите домови. Во светот не постои такво нешто. Во минатото нашите граѓани одеа во странство на лекување, но денес имаме речиси еден милион луѓе од странство, кои бараат медицински услуги во нашата земја“, рекол Ердоган.Иако свеченото отворање се одржа вчера, примањето на пациенти во градската болница во Анкара започна на 7 февруари.
Прво почнале со работа одделенијата за кардиоваскуларна хирургија, неврологијата, ортопедијата и онкологијата.
Според податоците на турските медиуми до моментот во болницата се извршени 2 815 операции, 7 000 операции се вршат неделно и 600 итни операции секојдневно. Капацитетот на болницата е 3.800 кревети.