Ерсте: Северна Македонија ја „жнее“ дивидендата за спорот со името
Објавено во: Економија 15 Мај, 2019
По речиси три деценискиот спорот на Северна Македонија со Грција околу името на земјата, сега земјата може да очекува период на забрзан раст на среден рок, поттикнат од крај на политичката неизвесност, потрошувачката и обновената инвестициска активност, стои во новиот извештај од Ерсте банк, пишува emerging-europe.
Банката очекува пораст на БДП од 2,9 отсто оваа година, пред да се забрза на 3,3 отсто во 2020 година, со враќање на инвестициите како клучна разлика во споредба со последните трендови.
„Јавните инвестиции во 2018 година беа во голема мера одложени поради политички несигурности, па затоа очекуваме дека ќе се зголемат оваа година“, се вели во извештајот.
Триумфот на левоориентираниот кандидат Стево Пендаровски во тесна претседателска трка над главната конзервативна опозициона кандидатка Гордана Силјановска Давкова може де факто да се гледа како став за неодамнешната промена на името, како и заложбата за интеграција во НАТО и во ЕУ, пренесува медиумот.
Ерсте очекува стапката на невработеност оваа година да падне под 20 отсто, при што вработеноста се зголемува кон 53 отсто, поддржана од владините субвенции за работодавачите од приватниот сектор.
фото emerging-europe