ЕУ БАРА ТУРЦИЈА ДА СЕ ПОВЛЕЧЕ ОД СИРИЈА: Eрдоган не попушта
Објавено во: Свет 14 Октомври, 2019
ЕУ ја повика Турција да ги повлече трупите од Сирија.
Eвропа бараТурција да ги запре едностраните воени операции во североисточна Сирија да ги повлече своите трупи, според усогласената изјава на министрите за надворешни работи на земјите членки.
„ЕУ ги осудува воените дејствија на Турција, кои сериозно ја поткопуваат стабилноста и безбедноста на целиот регионот … Тоа значително ги комплицира шансите на политичкиот процес под воство на ОН за постигнување мир во Сирија. Тоа, исто така, значително го поткопува напредокот постигнат досега од страна на глобалната коалиција против Исламската држава“, стои во изјавата која е поднесената до претствниците на Советот на ЕУ во Луксембург.
Во неа се истакнува дека ЕУ „останува посветена на единството, суверенитетот и територијалната целокупност на сириската држава“.
Сириските државни медиуми објавија по постигнувањето дека сириската армија влегла во градовите Табка, Ајин Иса и Тел Тамер. Тел Тамер е на 35 километри од Рас ал-Ајин кој сега е под контрила на турските трупи, кои соопштија дека го зазеле важниот автопат М4 кој ги поврзува истокот и западот од земјата, на кој се наоѓаат двата града.
Сириската војска почна да пристигнува на северот на земјата, неколку часа откако владата се согласи да им помогне на Курдите да ја запрат турската офанзива.Курдите го направија договорот со Дамаск откако САД објавија дека ќе ги повлечат сите преостанати војници од Сирија, опишувајќи ја тамошната ситуација како хаотична и многу опасна. Областите под контрола на Сириските демократски сили викендов беа жестоко бомбардирани од турските сили, кои ги окружија пограничните градови Рас ал-Аин и Тал Абјад.
Турскиот претседател Реџеп Таип Ердоган денеска изјави дека „без разлика на заканите ќе продолжи со офанзивата до ултимативна победа“. Турција сака да создаде сигурна зона во пограничната област и таму да пресели два милиона сириски бегалци кои сега се на нејзина територија.