28 Март, 2024
0.0269

ЕУ ја договорила цената: Ќе плаќа 15,5 евра по доза за вакцината против Ковид-19

Објавено во: Економија 20 Ноември, 2020

Добивај вести на Viber

Европската унија може да плати скоро 10 милијарди евра за да обезбеди стотици милиони дози на вакцината што ја развиваат Pfizer-BioNTech и CureVac, изјави за Ројтерс официјален претставник на ЕУ вклучен во преговорите.

Блокот се согласи да плати 15,50 евра по доза за вакцината против COVID 19, развиена од Pfizer и BioNTech, според официјалниот претставник.

Тоа би значело вкупна цена до 3,1 милијарди евра за 200 милиони дози и 4,65 милијарди евра доколку се набават дополнителни 100 милиони дози според договорот, рече официјалното лице.

Податоците за цената, кои не се претходно објавени, потврдуваат дека за првично снабдување со овие вакцини, ЕУ плаќа помалку по доза од САД, како што објави Ројтерс минатата недела.

Договорот вклучува осигурување за земјите од ЕУ да добиваат компензација ако компаниите ги пренасочат дозите кон САД, според извор кој сакал да остане анонимен поради чувствителноста на проблемот.

Европската унија одделно се согласи да плати 10 евра по доза за првично снабдување со 225 милиони дози за вакцина CureVac, што е попуст во однос на 12-те евра што компанијата ги постави како цена за вакцинирање, рече официјалното лице.

Блокот постигна договор со CureVac оваа недела да обезбеди снабдување до 405 милиони дози, од кои 180 милиони не се задолжителни за превземање.

Moderna и Pfizer / BioNTech оваа недела објавија дека нивните вакцини се ефикасни во 95 проценти од случаите и ќе бараат итно одобрување во наредните денови.

Успехот на двете вакцини предизвика надеж за крај на пандемијата КОВИД 19 која однесе 1,3 милиони животи ширум светот и нанесе силен удар врз економиите и секојдневниот живот.

Во јули, американската влада се согласи на Pfizer да му лати по 19,5 долари по доза за 100 милиони примероци, со можност за купување дополнителни 500 милиони под услови за кои ќе се преговара одделно.

Пониската цена делумно ја одразува финансиската поддршка на Европската унија за BioNTech за развој на лекови, изјави друг агент на ЕУ за Ројтерс минатата недела.

За да се обезбеди снабдување со Pfizer-BioNTech, ЕУ даде неповратен депозит. Сумата не беше обелоденета, но официјалниот претставник рече дека блокот платил 700 милиони евра на компаниите.

Договорената цена од 15,50 евра по доза ќе ја плаќаат оние европски влади кои се подготвени да ја купат вакцината, и само доколку регулаторот на ЕУ ја одобри како безбедна и ефикасна.

Во глобалната трка за осигурување на вакцината, ЕУ побара Pfizer и BioNTech да прифатат „кршење на договорната клаузула“ ако ги пренасочат дозите кон САД, рече изворот.

Во тој случај, на земјите од ЕУ ќе им бидат вратени 50 проценти од парите што ги платиле, рече официјалното лице. Клаузулата беше побарана од ЕУ, додаде официјалниот претставник, и покрај тоа што компаниите планираат да ја произведат вакцината за Европа во Белгија и Германија.


Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат