(ФОТО+ВИДЕО) Европа се бори со невидено снежно невреме
Објавено во: Свет 10 Јануари, 2019
Европа се бори со големо снежно невреме. На удар се Австрија, Германија, и дел од Чешка.
Над 40 метри снег има во Тирол, Штаерска, Салцбург и Долна Австрија.
Илјадници луѓе се заробени во Австрија поради обилните снежни врнежи. Неколку населени места се целосно отсечени, а досега лавините кои ја погодија државата однесоа осум жртви. Поради опасност од нови лавини, четири покраини прогласија највисоко, петто ниво на опасност.
Повеќе од 1.200 војници се вклучени во акцијата за спасување и извлекување на луѓето од завеаните места, а во интервенциите за снабдување се користат и хеликоптери.
Издадена е препорака до жителите на загрозените подрачја да обезбедат залихи од храна, вода за пиење, лекови и огрев за цела недела поради снежните врнежи.
Од австриската метеоролошка служба најавуваат продолжување на врнежите до крајот на неделата, а снежната покривка се очекува да се зголеми за дополнителни 2 метри. Новите масивни снежни врнежи создадоа проблеми и во средна Германија како и во делови на Чешка. Во невремето кое трае веќе недела дена загинале најмалку 15 лица.
Пред 20 години во Австрија имало снежно невреме во кое загинале 38 луѓе, а 50 биле повредени.