Eвропска земја ќе преземе мерки против Бразил ако не ги спасат шумите

Добивај вести на Viber

Ирска ќе го блокира договорот за слободна трговија меѓу ЕУ и Меркосур ако Бразил не го заштити Амазон.

„Нема шанси Ирска да гласа за договорот за слободна трговија ЕУ-Меркозур ако Бразил не ги исполни своите обврски за животната средина“, изјави премиерот Лео Варадкар.

Меркосур е трговски блок на четири економии од Латинска Америка – Аргентина, Парагвај, Бразил и Уругвај, што обединува 250 милиони луѓе и учествува со повеќе од 75 отсто во кумулативниот БДП на Јужна Америка.

ЕУ, која е најголем странски инвеститор во Меркосур, формулираше трговски договор со блокот на 28 јуни по скоро две децении преговори. Договорот допрва треба да биде целосно ратификуван од законодавството на ЕУ и нивните колеги од Меркосур во долг процес кој може да трае до две години. 

Амазон најголемата дождовна шума во светот е пеплосана од пожари што горат со рекордна стапка неколку недели. Агенцијата за вселенски истражувања во Бразил објави неделава, повикувајќи се на сателитски податоци, дека досега годинава во земјата имало 73.000 пожари. 

Францускиот претседател Емануел Макрон изјави дека рекордниот број пожари во Амазон се меѓународна криза и дека ова треба да биде главна тема на самитот на Г7.

„Нашата куќа гори“, кажа Макрон, по што бразилскиот претседател  Жаир Болсонаро го обвини дека го користи проблемот за политички цели.