Европска земја на чекор да го повлече признавањето на Косово
Објавено во: Балкан 11 Септември, 2019
Чешка наскоро може да го повлече признавањето на Косово, за што имаат и образложение.
Прага се преиспитува и може да го повлече признавањето на независноста на Косово.
„Држава која е предводена од воени злосторници не треба да биде во заедница на демократски земји“, изјави денес чешкиот претседател Милош Земан за време на посетата на Белград.
Тој се сретна со српскиот претседател Александар Вучиќ. Земан потсети дека косовскиот премиер Рамуш Харадинај поднесе оставка бидејќи беше поканет на сослушување во Хашкиот трибунал.
„Мило ми е дека министерот (за одбрана Лубомир) Метнар изјави дека беше грешка да се признае Косово. Тој веројатно ќе биде од моја страна, а кој ќе биде на другата страна, ќе видиме за месец дена“, рече Земан.
Претставниците на официјална Приштина го откажаа планираното учество на самитот на Вишеградската група и Западен Балкан во Прага, поради најавата на чешкиот претседател дека наското во својата земја ќе го покрене прашањето за можно повлекување на признавањето на Косово, пренесува агенцијата ЧТК, повикувајќи се на неименувани дипломатски извори.
Tринаесет држави го повлекле признавањето на Косово, а уште десет може да го сторат истото.
„Постојат веродостојни информации дека е можно уште десет држави да го повлечат признавањето на Косово“, изјави неодамна косовскиот вицепремиер во оставка, Енвер Хоџај, пренесува „Бета“.
Тој во емисија на КТВ изјавил дека од една соседна држава добиле информации дека Србија подготвува кампања за повлекување на признавањето.
Според српскиот министер за надворешни, Ивица Дачиќ досега 15 земји го повлекле признавањето.