Eвропска земја стравува од терористички напади
Објавено во: Свет 16 Март, 2019
Поради страв од напади, Италија ќе ги зајакне безбедносните мерки.
Ова го изјави италијанскиот министер за внатрешни работи и лидер на партијата Лига, Матео Салвини.
Одборот за стратегиска антитерористичка анализа денеска одржа вонредна седница, откако во двете џамии во Нов Зеланд вчера имаше терористичкиот напад.
„Нема никаква врска меѓу напаѓачот и Италија, но нашите служби се внимателни и го следат развојот на ситуацијата. Донесени се насоки во согласност со кои ќе се зголемат мерките на надзор за да се избегне опасноста извршителот на нападот да добие следбеници и да се избегне можна одмазда на радикалните кругови“, стои во соопштението.
Салвини, кој на власт дојде со слоганот „Италијанците пред сите“, опозицијата често го обвинува дека поттикнува расистички, антиемигрантски и исламофобни тензии.
На локално ниво членовите на неговата партија секогаш жестоко се борат проитв изградбата на џамии.
Нападот во Нов Зеланд го изврши австралискиот екстремист Брентон Тарант, при што уби 49 луѓе и потешко рани уште 20.