ЕВРОПСКИ РЕСТОРАН ЖАРИШТЕ НА КОВИД: Само за една ноќ 120 се позитивни на вирусот, се претпоставува дека половина имаат омикрон сој

Добивај вести на Viber

Речиси 120 луѓе биле позитивни на тестот за Ковид-19 по посетата на норвешки ресторан каде што се одржал деловен настан кој се претворил во жариште на инфекцијата, а постои сомневање дека половина од случаите се поврзани со омикрон сојот.

Националниот здравствен институт на Норвешка потврди 13 случаи на вирус на омикрон по вечерата што се случи минатата недела. Од вкупно 120 присутни во објектот, на настанот присуствувале 70, а  непосредно пред деловниот настан, двајца гости биле во Јужна Африка.

Останатите 45 до 50 тестирани гости го посетиле ресторанот истиот ден. Норвешките власти ги повикуваат да се јават сите што биле во тој ресторан по 26 ноември.

Според Институтот, Норвешка има вкупно 19 случаи заразени со омикрон, вклучувајќи и четири лица кои неодамна пристигнале од Јужна Африка.

Омикрон, варијанта за која се уште нема официјално мислење дали е поопасен од претходните соеви, забрзано се шири и во соседна Данска. Локалниот здравствен институт SSI во неделата објави дека има 183 потврдени случаи.

Во Обединетото Кралство, само денеска се откриени 86 нови случаи на инфекција со омикрон, со што се заразени вкупно 246, а оваа варијанта е потврдена и во 15 американски држави.