Евростат преброја колку жители има Македонија
Објавено во: Македонија 11 Јули, 2019
На 1 јануари годинава Македонија имала 2.077.100 жители што е за околу 2.000 повеќе во споредба со 1 јануари 2018 година. Ова го покажуваат податоците што ги објави Евростат.
Бројот на населението во земјава за една година е зголемен за 0,9 отсто. Северна Македонија во изминатата година забележала позитивен природен прираст од 1,6 отсто. Лани се родиле 21.300, а умреле 19.700 лица.
Најбројно население меѓу земјите во регионот, според Евростат, има Грција 10,7 милиони, во Бугарија живеат 7 милиони луѓе, во Србија 6,96, во Хрватска нешто над 4 милиони, во Албанија 2,86, а во Црна Гора 626.000 луѓе.
Во ЕУ вкупно живеат 513,5 милиони жители, што е за скоро еден милион повеќе од претходната година.
Најмногу жители 83 милиони има Германија, потоа следи Франција со 67, Велика Британија со 66,6, Италија 60,4, Шпанија 46,9 и Полска 38 милиони жители.
Но, одредени земји изгубиле добар дел од населението. За една година бројот на населението во Бугарија се намалило за уште 50.000, и
падна на 7 милиони во услови кога бројот на луѓето во ЕУ се зголемил за повеќе 1.
512.400 милиони луѓе.
Бугарија, според ова, заедно со Хрватска го дели второто место на ЕУ членки кои
бележат најголем пад на бројот на населението.