Фајзер започна клиничко испитување на лек против ковид: Ќе биде особено ефикасен во првите денови на инфекција

Добивај вести на Viber

Фајзер објави дека започнале сеопфатно клиничко испитување на својот лек против ковид, за да ја тестираат неговата способност превентивно да го намали ризикот од инфекција во животната средина на заразено лице.

Неколку компании, вклучувајќи ги Мерк и Рош, работат на такви лекови, кои се нарекуваат антивирусни лекови.

Тие работат со спречување на размножување на вирусот. Нивната примена би била двојна: да им се овозможи на пациентите да немаат тешки симптоми и во исто време да го спречат развојот на симптомите кај лица кои биле во близок контакт со пациентите.

Во случај на позитивни резултати, „мислиме дека овој лек ќе помогне да се запре вирусот многу рано - пред да може да се реплицира силно - со спречување на потенцијално симптоматски случаи на болеста кај оние кои биле изложени на него и забавување на почетокот на инфекцијата кај другите“ рече Микаел Долстен, научен директор во Фајзер во соопштение за печатот .

Таквиот пристап може да се комбинира со вакцини против Ковид, додаде тој.

Овој лек, наречен PF-07321332, треба да се произведува во форма на таблета што се зема со чаша вода.

Втората од трите фази на клиничкото испитување ќе вклучи повеќе од 2.600 испитаници на возраст од 18 години и повеќе. Едниот ќе го зема лекот двапати дневно во период од пет до десет дена, а другиот ќе добие плацебо.

Лекот веќе е тестиран на десетици луѓе за да докаже дека не е опасен по здравјето.

За секој што е веќе заразен, овој лек ќе биде особено ефикасен во првите денови на инфекција, пред вирусот да се размножи во голема мера.

Лекот на Фајзер, за разлика од конкурентите, не е добиен со адаптација на друг лек, туку е развиен специјално за САРС-КоВ-2.

Но, ќе се користи во комбинација со „ниска доза“ на ритонавир, анти-СИДА вирус.

Foto: EPA