Фактор дознава: Измени во законот за здравствена заштита влегуваат преку пратеници во Собрание. Што содржат?
Објавено во: Македонија 22 Јули, 2019
Со новите измени во Законот за здравствена заштита коишто утре ќе се најдат во собраниска процедура секој пациент што ќе бара услуги во дополнителна дејноста на доктор ќе плаќа само за услугата на докторот според ценовник, а зафатот, односно услугата ќе биде покриена од Фондот за здравствено осигурување. Oва е по долгогодишно барање на докторите.
Досега овие услуги целосно се плаќаа од страна на пациентите.
Друга измена ќе биде дека пензионираните доктори ќе може консултативно да работат во местото на живеење. Досегашното решение ова го овозможуваше но докторите мораа да работат надвор од своето место на живеење.
Досегашната обврска на специјализантите да работат двојно повеќе во установата од годините поминати за специјализација, однос кој се сметаше на некој начин за ”лихварска” услуга во здравството ќе има значајна измена. Колку години се поминати на специјализација, толку има обврска докторот да остане во установата која му ја овозможила специјализацијата.
И уште една измена се однесува на директорите кои не можеа да дежураат во институциите, сега тоа ќе им биде овозможено во нивната област.